Rodgers framlengir við Liverpool

Brendan Rodgers, knattspyrnustjóri Liverpool undirritaði nýjan samning við félagið í dag en hann átti aðeins eitt ár eftir af fyrri samning sínum.

Hinn 41 árs gamli Rodgers sem tók við Liverpool vorið 2013 hefur náð ótrúlegum árangri með liðið á stuttum tíma.

Liverpool var hársbreidd frá enska titlinum í ár en tekur þátt í Meistaradeildinni í fyrsta sinn í fimm ár á haustmánuðunum. Fyrir vikið var mikið kappsmál fyrir eigendur Liverpool að Rodgers undirritaði nýjan samning.

„Ég er gríðarlega stoltur að fá að halda áfram starfi mínu sem ég hef unnið að undanfarin tvö ár. Við getum vonandi stigið næsta skref á næstu árum. Ég átti ekki í erfiðleikum með að samþykkja tilboðið, ég er afar hrifinn af stefnuni sem félagið er að taka,“ sagði Rodgers í samtali við heimasíðu Liverpool.