Chelsea tryggði sér leik á móti Manchester United

Chelsea tryggði sér sæti í átta liða úrslitum ensku bikarkeppninnar með því að vinna 2-0 heimasigur á b-deildarliði Middlesbrough í leik liðanna á Riverside Stadium í Middlesbrough í kvöld.

Chelsea var áttunda og síðasta liðið inn í átta liða úrslitin en með þessum sigri tryggði liðið sér leik á móti Manchester United í næstu umferð.

Chelsea komst í 1-0 á 51. mínútu þegar Ramires skaut í Fernando Torres og í markið. Markið var í fyrstu skráð á Ramires en það er ekki hægt að sjá annað en að það verði seinna skrifað á spænska framherjann.

Victor Moses skoraði seinna markið á 73. mínútu eftir að varamaðurinn Eden Hazard splundraði vörn Middlesbrough-liðsins.