Klæddi mótherja úr buxunum í miðjum leik og komst upp með það

Nicklas Helenius, danskur framherji enska liðsins Aston Villa, skildi ekkert í dómaranum í kvöld þegar hann var að spila með liði sínu á móti Tottenham í enska deildabikarnum.

Helenius var þá sloppinn í gegn en um leið og hann skaut að marki þá girti Tottenham-maðurinn Jan Vertonghen hreinlega niður um hann.

Skot Helenius fór skiljanlega langt yfir enda þola fáir þá truflun að vera klæddir úr buxunum fyrir framan mörg þúsund manns.

Það er hægt að sjá þetta furðulega atvik í spilaranum hér fyrir ofan og dæmi nú hver og einn um það hvort að svona varnaleikur sé löglegur.