Flestir vilja fá slæmu fréttirnar fyrst

Þrír af hverjum fjórum vilja heldur fá slæmar fréttir fyrst og svo góðar fréttir, samkvæmt rannsókn sem vitnað er til á vef National Geographic. Ákvörðunin er þó í höndum þeirra sem færa fréttirnar, og þeir eru oft annarrar skoðunar.

Alls vildu rúmlega 75 prósent þeirra sem vissu að þeir voru að fara að fá bæði góðar fréttir og slæmar fréttir fá þær slæmu fyrst. „Þeir sem vita að þeir eru að fara að fá slæmar fréttir kjósa helst að drífa það af,“ segir Angela Legg, doktorsnemi í sálfræði við Kaliforníuháskóla í Bandaríkjunum.

Þessu er öfugt farið með þá sem segja fréttirnar. Nærri sjö af hverjum tíu kjósa heldur að segja góðu fréttirnar fyrst, samkvæmt rannsóknin Legg. „Þeir sem vita að þeir þurfa að færa slæmar fréttir verða kvíðnir. Enginn hefur gaman af því að færa öðrum slæmar fréttir. Fólk skilur almennt ekki að það að bíða eftir slæmu fréttunum gerir viðmælandann jafnvel enn kvíðnari,“ segir Legg