„Gylfi er sjóðandi heitur“

Steffen Freund, aðstoðarmaður Andre Villas-Boas hjá Tottenham, er hæstánægður með frammistöðu Gylfa Þórs Sigurðssonar á leiktíðinni.

Gylfi Þór skoraði mark Spurs í 1-1 jafntefli gegn Chelsea um liðna helgi. Þá skoraði hann tvö í 2-0 sigri á Norwich helgina á undan.

„Gylfi er sjóðandi heitur á leiktíðinni, skorar mörk og hreyfingar hans af vinstri vængnum inn á miðsvæðið eru frábærar,“ sagði Freund á heimasíðu Tottenham.

Markið kom eftir góða samvinnu Gylfa við tvo af nýjustu liðsmönnum Spurs, Spánverjann Roberto Soldado og Danann Christian Eriksen.

„Soldado lagði boltann vel fyrir hann og þeir eru að ná betur og betur saman við Christian Eriksen. Útlitið er gott.“