Gylfi sá um Norwich

Gylfi Þór Sigurðsson var í banastuði með Tottenham gegn Norwich í ensku úrvalsdeildinni og skoraði bæði mörk liðsins í 2-0 sigri.

Landsliðsmaðurinn kom Lundúnaliðinu á bragðið snemma leiks eftir undirbúning Christian Eriksen. Síðari hálfleikur var svo rétt hafinn þegar Gylfi var aftur á ferðinni eftir undirbúning Danans og Paulinho.

Fyrra mark Gylfa í leiknum má sjá hér að ofan.

Gylfi var nærri því að bæta við þriðja marki sínu en John Ruddy, í marki Norwich, varði þrumuskot hans utan teigs með tilþrifum. Gylfa var skipt af velli um miðjan síðari hálfleikinn en hann var lítillega meiddur fyrir leikinn.

Tottenham hefur níu stig eftir þrjá leiki í deildinni. Norwich hefur fjögur stig.