City í basli og Newcastle vann | Loksins mark hjá West Brom

Manchester City mátti sætta sig við markalaust jafntefli í heimsókn sinni til Stoke í dag. Newcastle vann flottan útisigur á Aston Villa í Birmingham.

Stjörnum prýtt lið Manchester City tókst ekki að koma boltanum í markið gegn Stoke í dag. Leikurinn var nokkuð fjörugur, bæði lið áttu sín færi en aldrei kom markið mikilvæga.

Bæði lið hafa sjö stig eftir fjóra leik.

Yoan Gouffran og Hatem Ben Arfa voru á skotskónum í 2-1 sigri Newcastle á Aston Villa. Christian Benteke heldur áfram að skora fyrir Aston Villa en mark Belgans dugði ekki til.

Newcastle hefur sjö stig eftir fjóra leiki en liðsmenn Paul Lambert hjá Aston Villa þrjú stig.

Gareth McAuley tryggði West Brom mikilvægt stig í heimsókn til Fulham í Lundúnum. Miðjumaðurinn Steve Sidwell kom heimamönnum yfir á 22. mínútu og þannig stóðu leikar þar til á 93. mínútu. Þá skoraði McAuley og tryggði West Brom annað stigið.

West Brom hafði ekki skorað í fyrstu þremur umferðunum og þurftu að bíða lengi eftir markinu í dag.

Staðan í ensku úrvalsdeildinni.