David Cameron, forsætisráðherra Bretlands, segir að bresk stjórnvöld muni ekki láta undan þrýstingi hryðjuverkamanna. Öryggisgæsla við herskála í Lundúnum var hert í dag eftir að breskur hermaður var myrtur í í fólskulegri hnífaárás í gær.
Árásin hefur vakið mikinn óhug í Bretlandi en árásin átti sér stað um hábjartan dag í Woolwich í suð-austurhluta Lundúna.
Árásarmennirnir voru vopnaðir hnífum en talið er að þeir hafi fyrst keyrt á hermanninn áður en þeir létu til skara skríða.
Sjónarvottar segja að þeir hafi hrópað Allah er mikill á meðan þeir stungu hermanninn til bana.
Mennirnir gáfu sig á tal við vegarendur eftir árásina og reyndu ekki að flýja eins og sést í fréttinni hér fyrir ofan.
Lögreglan skaut mennina og liggja þeir nú alvarlega særðir á sjúkrahúsi.
Sérstök neyðarnefnd sem hefur það hlutverk að bregðast við hryðjuverkaárásum var kölluð saman í gær vegna málsins en nefndin fundaði aftur í dag.
David Cameron, forsætisráðherra Bretlands, flýtti heimferð sinni frá Frakklandi þar sem hann var opinberri heimsókn til að sitja fundinn.
„Þetta ríki verður algerlega staðfast í baráttu sinni gegn ofbeldisfullu ofstæki og hryðjuverkum. Við munum aldrei láta undan hryðjuverkum í nokkru formi,“ sagði Cameron við þetta tækifæri.
Öryggisgæsla hert við herskála vegna hrottafengins morðs
Fleiri fréttir
