O´Shea: Leikmenn liðsins vildu losna við Di Canio

John O'Shea, leikmaður Sunderland, hefur nú tjáð sig um brotthvarf Paolo Di Canio frá félaginu en Írinn vill meina að leikmenn liðsins hafi séð til þess að knattspyrnustjórinn yrði látinn fara.

„Leikmenn liðsins komu allir saman og við ræddum við forráðamenn félagsins,“ sagði John O'Shea.

„Við vildum tjá þeim áhyggjur okkar og hvernig væri skynsamlegast að bregðast við.“

„Við erum í slæmri stöðu og menn þurfa núna að vinna saman að því að bæta spilamennsku liðsins, það er mikil vinna framundan.“