Ferguson bauðst að taka við Chelsea

Sir Alex Ferguson, fyrrum knattspyrnustjóri, hefur nú viðurkennt að honum hafi boðist að taka við Chelsea árið 2003 er Roman Abramovich keypti félagið.

Skotinn hætti sem knattspyrnustjóri Manchester United í vor en þá hafði hann verið við stjórn í 26 ár.

„Þeir nálguðust mig í gegnum umboðsmann á sínum tíma,“ sagði Ferguson í viðtali við bandarísku sjónvarpsstöðina PBS.

„Ég svaraði ávallt að það kæmi ekki til greina og enginn möguleiki væri á því að ég myndi vilja taka við Chelsea.“