Ireland: Tíma mínum hjá Villa lokið

Knattspyrnumaðurinn Stephen Ireland hefur nú viðurkennt að tíma hans hjá Aston Villa sé lokið en leikmaðurinn fór á láni til Stoke City á dögunum.

Ireland gekk til liðs við Villa árið 2010 frá Manchester City en hefur aðeins leikið 47 leiki með liðinu. Hann var lánaður til Newcastle árið 2011 og síðan til Stoke.

Leikmaðurinn hefur lítið leikið knattspyrnu undanfarin tvö tímabil og vonast eftir nýrri byrjun hjá Stoke. Ireland á aðeins eitt ár eftir af samningi sínum við Stoke.

„Ef mér gengur vel hjá Stoke og þeir vilja halda mér áfram þá mun ég yfirgefa Aston Villa,“ sagði Ireland.

„Ég get hugsað mér að semja endanlega við Stoke þar sem félagið hefur reynst mér ótrúlega vel. Það hafa allir tekið vel á móti mér og andrúmsloftið hér er magnað.“