Soldado efast um að leika við hlið Bale

Roberto Soldado efast um að hann fái tækifæri til þess að leika við hlið Gareth Bale hjá Tottenham á næstu leiktíð en Soldado gekk í raðir Spurs frá Valencia í vikunni.

Tottenham greiddi 26 milljónir punda fyrir Soldado en Real Madrid mun hafa boðið 85 milljónir punda í Bale.

„Það vita allir stöðuna með Bale, hann er ótrúlegur leikmaður og það verður erfitt fyrir félagið að halda honum. Ég vona aftur á móti að hann verði áfram hjá Tottenham,“ sagði Roberto Soldado á flugvellinum í London en hann var þá nýkominn til landsins.