Fulham hækkar boð sitt í Bent

Samkvæmt heimildum Sky Sports hafa forráðamenn enska kattspyrnuliðsins Fulham hækkað boð sitt í Darren Bent frá Aston Villa.

Aston Villa hafði áður neitað tilboði Fulham í leikmanninn uppá fjórar milljónir punda en félagið mun hafa hækkað boð sitt upp í fimm milljónir punda.

Aston Villa festi kaup á leikmanninum árið 2011 fyrir 18 milljónir punda frá Sunderland en leikmaðurinn hefur ekki fundið sig nægilega vel hjá liðinu.

Bent á að aðstoða Dimitar Berbatov í fremstu víglínu hjá Fulham í ensku úrvalsdeildinni á næstu leiktíð.