Moyes ætlar sér að kaupa leikmenn

David Moyes, nýráðinn knattspyrnustjóri Manchester United segist handviss um að félaginu takist að bæta við fleiri leikmönnum í sumar. Hann sagðist jafnframt óviss um hvort að hann hygðist bjóða aftur í Spánverjann Cesc Fabregas.

Heimildir fregna að United hafi nú þegar boðið tvisvar í Fabregas en að Barcelona hafi engan áhuga á því að selja leikmannninn og eru United því byrjaðir að leita annað.

„Ég get ekki sagt til um það hvort að við gerum annað tilboð í Fabregas. Ég hef aldrei sagt að við myndum ná að klófesta hann en við sjáum til hvað gerist. Við erum byrjaðir að hugsa um næstu skref í leikmannakaupum," sagði Moyes.

„Við erum með frábæran hóp, það má ekki gleyma því að þetta er Manchester United. Við urðum Englandsmeistarar á síðustu leiktíð og eru gæðin klárlega til staðar en við erum að skoða okkar mál og munum án efa bæta við leikmönnum," sagði David Moyes, knattspyrnustjóri Manchester United.