Jonjo Shelvey í aðalhlutverki þegar Swansea tók stig af Liverpool

Liverpool tapaði sínum fyrstu stigum í ensku úrvalsdeildinni á þessari leiktíð þegar liðið náði aðeins jafntefli á móti Swansea City í Wales. Gamli Liverpool-maðurinn Jonjo Shelvey var í sviðsljósinu í leiknum enda átti hann þátt í báðum mörkum hjá báðum liðum en leiknum endaði með 2-2 jafntefli.

Stigið nægir samt Liverpool til að komast aftur á toppinn en liðið er með stigi meira en Arsenal og Tottenham.

Jonjo Shelvey kom Swansea í 1-0 eftir aðeins rúma mínútu þegar hann fylgdi eftir eigin skoti en aðeins tveimur mínútum síðar átti hann skelfilega sendingu aftur á markvörðinn sem Daniel Sturridge stal og jafnaði í 1-1.

Jonjo Shelvey var ekki hættur að leggja upp mörk fyrir sitt gamla félag því Victor Moses kom Liverpool í 2-1 á 36. mínútu eftir aðra mislukkaða sendingu frá Shelvey.

Myndavélaarnir voru á Shelvey í hálfleik en hann bætti fyrir mistökin með því að leggja upp jöfnunarmark Swansea sem Michu skoraði á 64. mínútu.