Di Canio fékk eina og hálfa milljón í sekt

Paolo Di Canio, knattspyrnustjóri Sunderland, fékk í dag sekt fyrir framkomu sína á leik Sunderland og Arsenal í ensku úrvalsdeildinni um helgina en ítalski stjórinn endaði leikinn upp í stúku.

Di Canio fékk átta þúsund pund í sekt fyrir hegðun sína en það eru um ein og hálf milljón íslenskra króna.

Di Canio var rekinn upp í stúku eftir rifildi sitt við dómarann Martin Atkinson en Ítalinn var þá að mótmæla meintri leiktöf Arsenal-manna.

Arsenal vann leikinn 3-1 en spilað var á heimavelli Sunderland-liðsins. Sunderland hefur aðeins fengið eitt stig í fyrstu fjórum leikjum sínum og situr á botni deildarinnar.

Það er hægt að sjá svipmyndir frá leiknum hér fyrir ofan.