Januzaj skrifaði undir nýjan fimm ára samning við United

Adnan Januzaj, leikmaður Manchester United, hefur framlengt samning sinn við félagið til fimm ára.

Januzaj sló í gegn með liðinu á dögunum er hann gerði tvö mörk fyrir Man. Utd. gegn Sundenrland en leikmaðurinn er talinn vera eitt mesta efni í heiminum og aðeins 18 ára gamall.

„Adnan er gríðarlega hæfileikaríkur og við viljum halda honum lengi hjá félaginu,“ sagði David Moyes, knattspyrnustjóri Manchester United.

„Þetta hefur alltaf verið draumur minn að leika hér,“ sagði Januzaj.

„Ég mun leggja mig allan fram til að festa mig í sessi sem leikmaður Manchester United.“