Giggs spilar með Man. Utd til fertugs

Hinn síungi leikmaður Man. Utd, Ryan Giggs, er ekki dauður úr öllum æðum eins og hann hefur sýnt í vetur. Hann er nú búinn að framlengja samning sinn við félagið út næstu leiktíð.

Giggs er orðinn 39 ára gamall og verður því orðinn fertugur er samningur hans við félagið rennur út. Hann verður þá búinn að leika í ensku úrvalsdeildinni í 23 ár.

Giggs spilaði sinn fyrsta úrvalsdeildarleik fyrir Man. Utd þann 2. mars árið 1991. Hann er búinn að skora 168 mörk í 931 deildarleik.

"Ryan er frábær fyrirmynd fyrir okkur alla. Það er einstakt hvernig hann hugsar um sjálfan sig. Ég veit ekki hvað ég get sagt um Ryan sem hefur ekki áður verið sagt. Hann er einstakur leikmaður og frábær persóna," sagði Sir Alex Ferguson, stjóri Man. Utd.

Giggs hefur unnið ensku úrvalsdeildina tólf sinnum og enska bikarinn fjórum sinnum. Deildarbikarinn hefur Giggs unnið þrisvar og Meistaradeildina tvsivar.