Morsi hrakinn frá völdum

Abdel Fattah Al- Sisi, yfirmaður hersins í Egyptalandi, lýsti því yfir í kvöld að Mohamed Morsi, forseta Egyptalands, hefði verið steypt af stóli. Forseti stjórlagadómstólsins mun setjast í forsetastólinn til bráðabirgða, en efnt verður til nýrra forsetakosninga innan skamms.

Milljónir manna hafa mótmælt á götum úti í Egyptalandi síðustu daga og krafist þess að Morsi segði af sér. Hernum var ákaft fagnað þegar hann lét til skarar skríða fyrr í dag og ljóst var að Morsi myndi annað hvort neyðast til að segja af sér eða yrði gert að hætta.

Þegar ljóst var að Morsi væri ekki lengur forseti brutust út mikil fagnaðarlæti á Tahrír-torgi þar sem flugeldar voru sprengdir og fólk fagnaði ákaft. Þó er líklegt að til frekari átaka komi á milli andstæðinga og stuðningsmanna Morsi á næstunni.

Nánar á The Guardian.