Liverpool eina toppliðið í gírnum - öll úrslit dagsins í enska

Liverpool var eina liðið inn á topp fjögur sem vann sinn leik í ensku úrvalsdeildinni í dag og komst fyrir vikið upp í annað sæti deildarinnar.

Chelsea tapaði 2-3 á útivelli á móti Stoke og Manchester City náði aðeins jafntefli á útivelli á móti Southampton. Þetta var því mjög góður dagur fyrir Arsenal-menn sem geta náð sjö stiga forskoti á toppnum með sigri á Everton á morgun.

Tony Pulis er heldur betur farinn að láta til sín taka hjá Crystal Palace en liðið fór úr botnsætinu með sigri á West Ham í vikunni og fylgdi því síðan eftir með því að vinna 2-0 sigur á Cardiff City í ensku úrvalsdeildinni í dag.

Luis Suárez heldur áfram að raða inn mörkum í ensku úrvalsdeildinni á leiktíðinni en hann skoraði tvö síðustu mörkin í 4-1 sigri Liverpool á West Ham á Anfield.

Varamaðurinn Oussama Assaidi tryggði Stoke öll stigin á móti Chelsea þegar hann skoraði sigurmarkið á lokamínútunni í 3-2 sigri á Britannia-leikvanginum.

Southampton og Manchester City gerðu 1-1 jafntefli en Pablo Osvaldo skoraði jöfnunarmark Southampton skömmu fyrir hálfleik. Sergio Agüero kom Manchester City yfir strax á tíundu mínútu leiksins en leikmenn Southampton unnu sig vel inn í leikinn og tókst að jafna fyrir hlé.

Norwich kom til baka eftir skellinn á móti Liverpool í vikunni oig vann 2-0 útisigur á West Bromwich. Fyrir vikið höfðu liðin sætaskipti í töflunni.



Úrslit og markaskorarar í ensku úrvalsdeildinni í dag:

Manchester United - Newcastle    0-1

0-1 Yohan Cabaye (61.)

Crystal Palace - Cardiff    2-0

1-0 Cameron Jerome (6.), 2-0 Marouane Chamakh (58.)

Liverpool - West Ham    4-1

1-0 Sjálfsmark (42.), 2-0 Mamadou Sakho (47.), 2-1 Sjálfsmark Martin Skrtel (66.), 3-1 Luis Suárez (81.), 4-1 Luis Suárez (84.)

Southampton - Manchester City    1-1

0-1 Sergio Agüero (10.), 1-1 Pablo Osvaldo (42.)

Stoke - Chelsea    3-2

0-1 André Schürrle (10.), 1-1 Peter Crouch (42.), 2-1 Stephen Ireland (50.), 2-2 André Schürrle (53.), 3-2 Oussama Assaidi (90.)

West Bromwich - Norwich    0-2

0-1 Gary Hooper (13.), 0-2 Leroy Fer (89.)