Moyes: Við þurfum á Hernandez að halda

David Moyes, knattspyrnustjóri Manchester United, vill meina að liðið þurfi nauðsynlega á Javier Hernandez að halda en Mexíkóinn hefur ekki fengið mörg tækifæri í byrjunarliði United á tímabilinu en samt sem áður skorað mikilvæg mörk.

„Við þurfum á Javier að halda. Hann er frábær leikmaður sem skorar iðulega fullt af mörkum fyrir liðið,“ sagði Moyes.

„Hann skoraði flott mörk gegn Norwich City í deildarbikarnum og vonandi heldur sú þróun áfram.“

Hernandez hefur verið orðaður frá félaginu að undanförnu en Real Sociedad og Man Utd. mætast í Meistaradeild Evrópu í kvöld.