Özil lagði upp í sigri Arsenal

Arsenal vann 3-1 sigur á Sunderland í 4. umferð ensku úrvalsdeildinni á Leikvangi Ljóssins í Norður-Englandi í dag.

Leikurinn var aðeins tíu mínútna gamall þegar tveir örvfættir tóku sig til og bjuggu til mark. Mesut Özil sendi þá fallega sendingu fyrir á Olivier Giroud. Frakkinn þakkaði fyrir sig og kom Arsenal yfir.

Arsenal var miklu sterkari aðilinn í leiknum en tókst ekki að bæta við marki í hálfleiknum. Síðari hálfleikurinn var aðeins tveggja mínútna gamall þegar Sunderland fékk nokkuð ódýra vítaspyrnu. Craig Gardner þakkaði fyrir sig og jafnaði metin.

Aaron Ramsey tók sig svo til og skoraði tvö mörk fyrir gestina og tryggði liðinu tveggja marka sigur. Minnast verður á glórulausa ákvörðun Martin Atkinson, dómara leiksins, í stöðunni 2-1 fyrir Arsenal. Þá skoraði Sunderland mark sem virtist gott og gilt.

Dómari leiksins ákvað hins vegar að flauta í þann mund sem boltinn fór yfir marklínuna og veita Sunderland aukaspyrnu. Eitthvað misfórst Atkinson dómara við beitingu hagnaðarreglunnar og stuðningsmenn Sunderland skiljanlega svekktir.

Arsenal hefur níu stig eftir fjóra leiki en Sunderland er á botninum með eitt stig. Paolo di Canio, stjóri Sunderland, var sendur upp í stúku í viðbótartíma vegna mótmæla.