Coutinho frá út október

Liverpool verður án brasilíska miðjumannsins Philipe Coutinho næstu sex til sjö vikurnar hið minnsta.

Enska félagið staðfesti þetta við breska fjölmiðla í dag. Brasilíumaðurinn hefur spilað vel með Liverpool sem situr í toppsæti úrvalsdeildarinnar að loknum fjórum leikjum.

Stuðningsmenn Liverpool geta þó fagnað því að Luis Suarez er væntanlegur eftir að hafa tekið út tíu leikja bann. Hans síðasti leikur í banni er um helgina. Hann verður því til taks í viðureign Manchester United og Liverpool í deildabikarnum í næstu viku.