Bendtner ætlar að leggja sitt af mörkum hjá Arsenal

„Ég vil fullvissa stuðningsmenn Arsenal um að ég ætla að gefa allt sem ég á í tímabilið sem ég tel að geti verið eftirminnilegt hjá félaginu.“

Þetta kemur fram í yfirlýsingu sem Nicklas Bendtner, framherji Arsenal, birtir í dag. Reiknað hafði verið með því að Daninn stóri og stæðilegi myndi halda á ný mið í sumar en af því varð ekki.

„Það er ekkert leyndarmál að ég komst að samkomulagi við Arsenal um að fá að yfirgefa félagið í félagaskiptaglugganum ef allir væru sáttir,“ segir í yfirlýsingu Danans.

Hann segir Arsenal hafa komist að samkomulagi um sölu á sér til nokkurra félaga í vikunni. Hins vegar hafi félagið ekki getað fyllt í skarðið og þar standi hnífurinn í kúnni.

„Auðvitað varð ég mjög vonsvikinn enda hafði ég hlakkað til nýrrar áskorunar hjá nýju félagi og nýs upphafs í enska boltanum,“ segir Bendtner sem var sterklega orðaður við Crystal Palace.

Daninn segist aðeins vilja spila fótbolti og hann beri miklar tilfinningar til Arsenal. Eftir að hafa rætt málin við Arsene Wenger, stjóra félagsins, segist hann sáttur og ætli að leggja hart að sér til þess að komast í gott form.