Arsenal missteig sig

Katrín Ómarsdóttir og félagar í Liverpool hafa fjögurra stiga forskot á Arsenal á toppi efstu deildar ensku knattspyrnunnar.

Arsenal náði aðeins markalausu jafntefli gegn Lincoln í gærkvöldi en Lincoln er í næstneðsta sæti deildarinnar. Liverpool vann góðan sigur á Doncaster á miðvikudagskvöldið. Liverpool hefur 30 stig að loknum tólf leikjum en Arsenal 26 stig að loknum ellefu leikjum.

Arsenal hefur unnið deildina allar götur síðan 2004. Eftir úrslit gærkvöldsins hefur Liverpool frumkvæðið í deildinni. Næsti leikur Katrínar og félaga er grannaslagur gegn Everton á fimmtudaginn.

Katrín skoraði eitt af mörkum ágústmánaðar en markið, ásamt hinum flottustu mörkunum í ágúst, má sjá hér.