Walker biðst afsökunar á því að hafa notað hláturgas

Knattspyrnumaðurinn Kyle Walker hefur nú gefið út afsökunarbeiðni eftir að upp komst um notkun hans á hláturgasi í sumar.

Myndir af atvikinu birtust í enskum fjölmiðlum um helgina en leikmaðurinn hafði verið að skemmta sér í heimabæ sínum Sheffield í sumar.

„Ég bið ensku þjóðina afsökunar á því að hafa ekki brugðist fyrr við og stigið strax fram með afsökunarbeiðni,“ segir Walker á Twittersíðu sinni.

„Ég hef verið að æfa með enska landsliðinu og einbeittur fyrir leikinn Úkraínu. Það getur verið hættulegt að stunda svona athæfi og því mjög mikið dómgreindarleysi hjá mér.“