Moyes sannfærði mig um að vera áfram

Luis Nani, leikmaður Manchester United, hefur nú gefið það út í enskum fjölmiðlum að David Moyes, knattspyrnustjóri liðsins, hafi sannfært hann um að framlengja samning sinn við félagið.

Portúgalinn var orðaður við önnur félög í sumar og var talið nokkuð líklegt á tíma að Nani væri á leiðinni frá Manchester United.

Leikmaðurinn skrifaði síðan undir nýjan fimm ára við United í síðustu viku.

„Ég er sáttur með þennan nýja samning og það gleður mig mikið að verða áfram í herbúðum Manchester United næstu árin,“ sagði Nani.

„Sumarið var mér ekki auðvelt. Ég tók langan tíma til umhugsunar og ræddi mikið við stjórann. Moyes sannfærði mig að lokum að vera áfram hjá félaginu.“

„Moyes lofaði mér ekki sæti í byrjunarliðnu en hann lofar engum slíkt. Það þurfa allir að leggja sig fram og vinna fyrir sætinu. Það er mitt markmið í vetur.“