Símtalið frá Wenger skipti sköpum

Þjóðverjinn Mesut Özil gekk til liðs við Arsenal í byrjun þessara mánaðar og greiddi félagið rúmlega 42 milljónir punda fyrir þennan klóka miðjumann frá Real Madrid.

Það sem gerði gæfumuninn var símtal frá Arsene Wenger, knattspyrnustjóra Arsenal, en hann mun hafa sannfært Özil.

„Símtalið einhvern veginn kveikti á áhuga mínum,“ sagði Özil við Die Welt.

„Allt sem Wenger sagði við mig í þessu símtali er nákvæmlega það sem mér hefur fundist vanta hjá Real Madrid.“

„Hann sagði mér alveg hvernig hann sér mig fyrir sér hjá Arsenal og hvert hlutverk mitt yrði.“