Of seint að bjóða í Suarez núna

Orðrómurinn um að Real Madrid ætli sér að kaupa Luis Suarez frá Liverpool er ekki dauður. Það fer ekket sérstaklega vel í Brendan Rodgers, stjóra Liverpool.

Rodgers segir að það sé einfaldlega orðið of seint fyrir Real að gera eitthvað í málinu þó svo félagaskiptaglugginn sé enn opinn.

"Það er erfitt að fara að koma með tilboð í Suarez núna. Sjálfir erum við að reyna að ná í einn til tvo gæðaleikmenn. Ef við myndum missa Luis á þessum tíma þá væri afar erfitt að finna mann til þess að fylla hans skarð," sagði Rodgers.

"Það hefði kannski mátt skoða slíka hluti fyrir nokkrum mánuðum þegar það var tími til að bregðast við. Rétti tíminn er ekki þegar það eru ellefu dagar í að glugginn loki."