Pardew: Framtíð Cabaye þarf að ráðast

Alan Pardew knattspyrnustjóri enska úrvalsdeildarliðsins Newcastle er allt annað en sáttur við stöðu Yohan Cabaye hjá félaginu en Cabaye lék ekki með liðinu í gær þegar liðið gerði markalaust jafntefli við West Ham í tíðindalitlum leik.

Einu tilboði frá Arsenal leikmanninn hefur verið hafnað og hafnaði Pardew þeim sögusögnum að fjarveru Cabaye í gær megi skýra með öðru tilboði frá Arsenal.

„Framtíð Cabaye þarf að ráðast á einn hátt eða annan. Ef við missum hann þurfum við að kaupa leikmann í staðinn,“ sagði Pardew við Sky Sports eftir leikinn í gær.

Þrátt fyrir að ná aðeins stigi í gær var Pardew ánægður með frammistöðu þeirra leikmanna sem léku leikinn gegn West Ham.

„Við þurftum að þjappa okkur saman eftir tapið gegn Manchester City sýna seigluna sem býr í liðinu og það gerðum við.

„Við lékum ekki illa varnarlega en sóknarlega þurfum við að bæta okkur. Það vantaði nokkra lykilmenn og vonandi verða einn eða tveir klárir í slaginn gegn Fulham,“ sagði Pardew.