Lennon tjáir sig ekki um hugsanlega komu Alfreðs

Neil Lennon, knattspyrnustjóri Celtic í Skotlandi, neitað að tjá sig um þann orðróm að Alfreð Finnbogason sé jafnvel á leiðinni til liðsins frá Heerenveen.

Íslendingurinn sló í gegn á síðasta tímabili þegar hann gerði 28 mörk fyrir félagslið sín en hann lék með Helsingborg og Heerenveen.

„Þetta er bara orðrómur og lítið um það að segja,“ sagði Lennin við Sky Sports.

„Við erum með ákveðna leikmenn í huga og ætlum að gera okkar besta til að fá þá til liðsins. Það kemur enginn leikmaður til liðsins fyrir leikinn gegn Elfsborg í næstu viku.“

Celtic mætir sænska liðinu Elfsborg í 3. umferð forkeppni Meistaradeildar Evrópu á miðvikudaginn en Skúli Jón Friðgeirsson er á mála hjá sænska liðinu.