Redknapp: Bale mun springa út hjá Real Madrid

Fyrrum stjóri Tottenham Harry Redknapp telur að Gareth Bale myndi blómstra hjá Real Madrid en leikmaðurinn hefur verið orðaður frá Tottenham til spænsku risana í allt sumar.

Nýjustu fréttir herma að Real Madrid ætli sér að bjóða gríðarháa upphæð í leikmanninn og hann verði dýrasti leikmaður sögunnar.

„Hann er með Messi og Ronaldo í hóp sem einn af bestu leikmönnum heims,“ sagði Redknapp.

„Hann er hjá frábæru félagi núna en þegar menn fá tækifæri á að spila fyrir Real Madrid þá verða menn að stökkva á það. Hann hefur án efa dreymt um slíkt tækifæri síðan hann var lítill.“

„Hann verður stórkostlegur hjá spænska liðinu, ég er viss um það.“