Suarez í verkfall? - fer ekki með Liverpool til Noregs

Luis Suarez fer ekki með Liverpool-liðinu til Noregs þar sem liðið mætir Valerenga í æfingaleik. Ástæðan er að leikmaðurinn er meiddur en Úrúgvæmaðurinn leitar nú allra ráða til þess að fá að fara til Arsenal. Það kemur ekki fram í enskum miðlum hvort um einhverskonar verkfallsaðgerð sé að ræða.

Luis Suarez fer í myndatöku á næsta sólarhring þar sem kemur betur í ljós hvers kyns þessi meiðsli eru. Daniel Agger, Glen Johnson og Martin Skrtel eru líka allir meiddir og fara því ekki með í þessa ferð.

Framtíð Luis Suarez hjá Liverpool hefur verið í mikill óvissu eftir að Arsenal bauð í hann 40 milljónir punda og einu pundi betur.

Suarez heldur því sjálfur fram að það sé nóg til þess að virkja klásu í samningi hans sem þvingar Liverpool til þess að selja hann til Arsenal.