Prinsinn heitir George Alexander Louis

Nýfæddur sonur Vilhjálms Prins og Katrínar hertogaynju af Cambridge hefur fengið nafn. Hann heitir George Alexander Louis, sem útleggst á íslensku sem Georg Alexander Loðvík.

Georgs nafnið er sótt til George sjötta, föður Elísabetar annarar drottningar, en sjálfur heitir Vilhjálmur einnig Arthúr Filip Luis og faðir hans Karl heitir einnig Filip Arthúr Georg.

George nafnið var það nafn sem breskir veðbankar töldu líklegast að yrði fyrir valinu. Ef prinsinn ungi kemst til manns og nær þeim áfanga að erfa krúnuna af föður sínum, gæti hann orðið George sjöundi (VII) konungur, nema Karl taki upp á því að velja sér George sem kónganafn þegar hann tekur við krúnunni, en þá yrði drengurinn George áttundi (VIII).

Prinsinn nýfæddi verður kallaður hans hátign Georg prinsinn af Cambridge.

Prinsinn litli kom í heiminn á mánudaginn. Heimsbyggðin fékk svo að líta hann augum þegar fjölskyldan yfirgaf sjúkrahúsið í gærkvöldi. Þau dvelja nú heima í Kensington-höll.

The Guardian greinir frá.