Innlent

Prinsinn heilsar heiminum

Þórhildur Þorkelsdóttir skrifar
Katrín hertogaynja og Vilhjálmur Bretaprins yfirgáfu St.Mary sjúkrahúsið í Paddington rétt í þessu með nýfæddan son sinn. Þau halda nú heim á leið til Kensington-hallar.

Foreldrarnir nýbökuðu ljómuðu af gleði þegar þau gengu út úr sjúkrahúsinu þar sem heimsbyggðin fylgdist með þeim.

„Hann er með meira hár en ég," sagði Vilhjálmur meðal annars við fjölmiðla fyrir utan sjúkrahúsið. Þá sagði hann að prinsinn litli líktist móður sinni mikið.

Fyrr í dag heimsóttu afar og ömmur litlu fjölskylduna á sjúkrahúsið,  foreldrar Katrínar þau Carole og Michael Middleton,  og faðir Vilhjálms, Karl Bretaprins kom ásamt Camillu konu sinni.

Segja má að breska þjóðin hafi beðið barnsins með mikilli óþreyju síðustu klukkutíma. Talið er að þúsundir blaðamanna og ljósmyndara hafi haldið til fyrir utan sjúkrahúsið síðustu daga, og jafnvel vikur.

Drengurinn er 3,8 kíló eða 15 merkur. Hann er númer þrjú í röðinni í erfðaröð bresku krúnunnar. Nafn prinsins hefur ekki enn verið ákveðið.

Rikisarfinn litli.
Katrín hertogaynja og Vilhjálmur Bretaprins með prinsinn litla á heimleið.
Skotið var af fallbyssum til heiðurs prinsinum í dag.
Í gærkvöldi kom kallari á tröppur sjúkrahússins og tilkynnti fæðingu prinsins að gömlum sið.
Mikill mannfjöldi hefur verið fyrir utan Buckingham-höll síðan í gær og var konungsvörðunum ákaft fagnað við vaktaskiptin í dag.
Forsíða The Sun í dag var skondin.
.

Tilkynningin sem var hengd upp fyrir utan Buckingham-höll í gærkvöldi.

Tengdar fréttir

Prins er fæddur

Katrín, hertogaynja af Cambridge, og Vilhjálmur prins eignuðust dreng rétt fyrir klukkan hálf fjögur í dag, eða klukkan 16.24 að staðartíma.

Erfingjans beðið í beinni

Vefmyndavél fylgist grannt með inngangi St. Mary's-spítalans í Lundúnum, þar sem ferða- og fjölmiðlafólk bíður í ofvæni eftir erfingja Katrínar og Vilhjálms.

Afar og ömmur í heimsókn

Katrín hertogaynja af Cambridge og Vilhjálmur Bretaprins hafa fengið heimsókn á spítalann þar sem þau dvelja með nýfæddum syni sínum.

Bretlandsdrottning orðin óþolinmóð

Heimsbyggðin bíður þess nú í ofvæni að konunglegt barn komi í heiminn. Sjálf Elísabet bretadrottning er orðin óþreyjufull.

Bretar bíða barnsfæðingar

Mikill mannfjöldi hefur safnast saman við Buckinghamhöll í London þar sem tilkynnt verður þegar nýr ríkisarfi er fæddur.

Mest lesið


Fleiri fréttir

Sjá meira


×

Mest lesið