Soldado á leið til Tottenham

Spænski sóknarmaðurinn Roberto Soldado, sem spilar með Valencia á Spáni er á leið til Tottenham eftir að liðið virkjaði kaupréttsákvæði í samningi leikmannsins sem er upp á þrjátíu milljónir evra.

Liðin höfðu verið í samningaviðræðum undanfarnar vikur um kaup á Soldado en nú hafa Tottenham boðið þrjátíu milljónir evra í Soldado sem neyðir Valencia til þess að selja leikmanninn.

Það er talið að Soldado, sem er 28 ára gamall muni gangast undir læknisskoðun hjá félaginu strax á morgun.