Rodgers óttast ekki að missa Suarez

Það er mikið rætt þessa dagana hvort Liverpool muni takast að halda framherjanum Luis Suarez hjá félaginu. Hann hefur verið frábær í vetur og einhver stór félög munu eflaust reyna að kroppa í hann.

Suarez skrifaði engu að síður undir nýjan samning við félagið síðasta sumar sem gildir til ársins 2018.

"Hann hefur ekki sýnt neina hegðun sem bendir til þess að hann vilji fara. Ég átti spjall við umboðsmann hans um daginn sem sagði að leikmaðurinn væri hæstánægður í herbúðum okkar," sagði Brendan Rodgers, stjóri Liverpool.

"Við vinnum vel saman og hann er orðinn arkitektinn í hópnum og við tölum mikið saman. Ég held að hann njóti sín hjá okkur og honum langar að hjálpa félaginu að taka næstu skref fram á veginn."