Bale spáir lítið í samanburðinum við Messi og Ronaldo

Velski vængmaðurinn Gareth Bale hjá Tottenham segist vera upp með sér yfir því að vera líkt við Cristiano Ronaldo og Lionel Messi. Hann segist þó ekki reyna að laga sinn leik að þeirra stíl.

Bale hefur verið í algjörlega stórkostlegu formi upp á síðkastið og blöðin hafa misst sig í samanburðinu sem margar kempur á Englandi segja vera fáranlegan.

"Ég held að allir leikmenn elski það er þeir eru bornir saman við bestu knattspyrnumenn heims. Menn verði upp með sér en ég spái ekkert of mikið í það," sagði Bale.

"Ég les ekki blöðin og veit því ekki hversu mikið menn eru að gera úr þessu. Auðvitað segja vinir mínir mér ýmisleg en ég reyni að einbeita mér að minni vinnu.

"Ég er ekki að líkja eftir Ronaldo. Ég hef minn eigin stíl þó svo við séum líkir að einhverju leyti. Mér finnst frábært að horfa á þá Messi og Ronaldo spila. Maður lærir alltaf eitthvað á því að horfa á þessa stráka spila."