Tottenham vann baráttuna um London

Tottenham vann í dag Arsenal, 2-1, í nágrannaslagnum í London en leikurinn fór fram á White Hart Lane, heimavelli Tottenham.

Tottenham byrjaði leikinn mun betur og voru strax ákveðnir í sínum sóknaraðgerðum. Gylfi Þór Sigurðsson var í byrjunarliði Tottenham í dag og lét strax að sér kveða.

Þegar stutt var eftir af fyrri hálfleiknum átti Gylfi frábæra stungusendingu inn fyrir vörn Arsenal á Gareth Bale sem afgreiddi boltann snyrtilega í netið. Aðeins tveim mínútum síðar komst Tottenham í 2-0 þegar Aaron Lennon skoraði laglegt mark. Staðan var 2-0 í hálfleik.

Leikmenn Arsenal komu sterkari til leiks í síðari hálfleiknum og náðu fljótlega að minnka muninn þegar Per Mertesacker skallaði boltann í Gareth Bale og þaðan fór hann í netið.

Markið skráð sem sjálfsmark á Bale.  Leikmenn Arsenal reyndu hvað þeir gátu út leiktímann en náðu ekki að jafna metin og því niðurstaðan 2-1 sigur Tottenham.

Tottenham er í þriðja sæti deildarinnar með 54 stig en Arsenal í því fimmta með 47 stig.

Staðan í ensku úrvalsdeildinni.