Benitez: Verðum að halda áfram

Rafa Benitez, stjóri Chelsea, segir að sínir menn verði að halda áfram að berjast eða eiga ella á hættu að missa af meistaradeildarsæti. Chelsea tapaði í dag fyrir Manchester City á útivelli, 2-0.

„Ég sagði fyrir leikinn að þó við myndum vinna í dag þá þyrftum við að berjast til lok leiktíðarinnar. Þó við hefðum ekki unnið þá er staðan sú sama. Við verðum að halda áfram," segir Benitez.

„Vítaspyrnan var vendipunkturinn í leiknum. Við vorum ekki að leika eins vel og við vonuðumst eftir en mark úr vítinu hefði getað breytt öllu. Þetta var gott víti en vel varið. Tíu mínútum síðar þá skora þeir. Við urðum að taka áhættu og þá sást hversu gott lið City er."