Bergkamp fær styttu fyrir utan Emirates

Hollenska goðsögnin Dennis Bergkamp mun fá styttu af sér fyrir utan heimavöll Arsenal, Emirates-völlinn, í sumar. Hann verður þar við hlið Thierry Henry, Tony Adams og Herbert Chapman.

Bergkamp lék í ellefu ár með Arsenal og er í guðatölu hjá stuðningsmönnum félagsins.

Hann var keyptur til félagsins frá Inter árið 1995 frá Inter á einar 7,5 milljónir punda. Með Bergkamp innanborðs varð Arsenal þrisvar sinnum enskur meistari og fjórum sinnum bikarmeistari.

Bergkamp var valinn besti leikmaður ensku úrvalsdeildarinnar árið 1998.