WBA vill halda Lukaku

Belginn ungi Romelu Lukaku hefur staðið sig afar vel með WBA í vetur en hann er þar í láni frá Chelsea. Þessi 19 ára strákur er þegar búinn að skora 12 mörk í vetur.

Forráðamenn WBA eru ólmir í að halda stráknum og eru þegar farnir að leggja grunninn að því að leigja hann aftur næsta vetur.

"Ef Chelsea vill lána hann aftur væri það gott fyrir þá að senda hann hingað því hann er að taka framförum hér," sagði Steve Clarke, stjóri WBA.

"Chelsea á leikmanninn og það er undir þeim komið hvað þeir vilja gera við leikmanninn. Þeir vita aftur á móti af okkar áhuga á honum."