Toure: Vil ljúka ferlinum hjá City

Yaya Toure, miðjumaðurinn öflugi hjá Manchester City, vill ljúka ferlinum hjá City. Hann var lykilmaður í liðinu á síðustu leiktíð sem varð enskur meistari og er talinn vera einn af betri miðjumönnum deildarinnar.

„Ég vil vera hjá þessum klúbbi í langan tíma. Allan minn feril þá hef ég verið hjá liði í 2-3 ár og svo skipt um klúbb. Það er önnur tilfinning hér. Ég vil vera lengur hjá City. Stundum er maður ekki ánægður eða líður ekki vel í borginni og þarft breytingu að halda – en ekki hér. Ég vil ljúka ferlinum hér. Síðustu þrjú ár hafa verið frábær," segir Toure.

Landsliðsmaðurinn frá Fílabeinsströndinni leikur nú framar á vellinum en hann hefur gert áður og þakkar Roberto Mancini fyrir að bæta leik sinni.

„Það var Mancini sem ákvað að setja mig framar á völlinn. Ég nýt þess að spila fótbolta því leikur minn snýst um að sækja og það sem ég gerði hjá Barcelona var öðruvísi. Það er meiri kraftur í fótboltanum á Englandi, sprettir og tæklingar. Mér líður eins heima hjá mér."