Desailly hafnaði Swansea

Marcel Desailly hefur greint frá því að hann hafi hafnað tækifæri til að ræða við forráðamenn Swansea um að gerast knattspyrnustjóri félagsins.

Swansea er nú að leita að stjóra eftir að Brendan Rodgers hætti til að taka við Liverpool. Daninn Michael Laudrup hefur verið helst orðaður við starfið.

En Desailly sagði við franska fjölmiðla að komið hefði verið að máli við sig vegna starfsins.

„Þetta er bara ekki rétti tíminn. Þetta virtist allt vera í góðu lagi en þetta er bara of snemmt fyrir mig," sagði Desailly við franska fjölmiðla.

Graeme Jones, aðstoðarlandsliðsþjálfari Wales, hefur einnig verið orðaður við starfið en viðræður munu ganga hægt á milli aðila þessa dagana.

Desailly er nú í þjálfaranámi hjá UEFA en sem leikmaður lék hann legst af með Nantes, Marseille, AC Milan og Chelsea. Hann lék 116 leiki með franska landsliðinu og lagði skóna á hilluna árið 2006.