Wenger gefst ekki upp á Van Persie

Arsene Wenger, stjóri Arsenal, hefur ekki gefið upp alla von um að halda Robin van Persie hjá félaginu þó svo ekkert nýtt hafi gerst í viðræðum Van Persie við Lundúnafélagið.

Van Persie kom af bekknum hjá Arsenal í æfingaleik gegn Köln í gær.

"Það er ekkert nýtt að frétta af Van Persie. Stuðningsmennirnir vilja halda honum þannig að það er ekki skrítið að þeir séu áhugasamir. Eina sem ég get sagt er að hann er leikmaður Arsenal og við viljum halda honum. Ég get því miður ekki sagt meira," sagði Wenger.

Hollendingurinn hefur verið orðaður við Man. Utd sem og risana á Spáni.