The Sun: Arsenal íhugar að kæra City

Enska götublaðið The Sun fullyrðir í dag að forráðamenn Arsenal hafi íhugað að kæra Manchester City til enska knattspyrnusambandsins fyrir að ræða við samningsbundinn leikmann eða fulltrúa hans.

Samkvæmt fréttinni mun Kees Vos, umboðsmaður Robin van Persie, þegar átt í samskiptum við forráðamenn City um möguleg kaup félagsins á kappanum.

Van Persie tilkynnti í vikunni að hann myndi ekki skrifa undir nýjan samning við Arsenal en núverandi samningur hans rennur út eftir eitt ár.

Engu hefur verið refsað fyrir þessa háttsemi síðan Chelsea var sektað um 300 þúsund pund fyrir að ræða við Ashley Cole, sem þá var samningsbundinn Arsenal. Cole fór svo til Chelsea á endanum.

Forráðamenn Arsenal segja að Van Persie muni spila með Arsenal á tímabilinu en The Sun segir að hann sé þó falur fyrir 30 milljónir punda. City ætli að bjóða fimmtán milljónir til að byrja með.

Ekki er gert ráð fyrir öðru en að Van Persie verði með Arsenal í æfingaferð félagsins í Asíu síðar í mánuðinum. Liðið mun meira að segja mæta Manchester City í vináttuleik á Ólympíuleikvanginum í Peking þann 27. júní.