Mancini: Þetta er í okkar höndum

Roberto Mancini, þjálfari Manchester City segir að titillinn sé ekki í höfn þrátt fyrir sigur liðsins á Newcastle nú fyrr í dag. City á eftir einn heimaleik gegn Queens Park Rangers um næstu helgi og getur liðið tryggt sér Englandsmeistaratitillinn með sigri í honum.

„Þetta er ekki komið hjá okkur. Það er mjög mikilvægt að við náum þremur stigum í næstu viku. Við þurfum að fá góða frammistöðu í leiknum gegn QPR," sagði Mancini.

„Þetta er í okkar höndum. Þetta veltur alfarið á okkur sjálfum og er það jákvætt. Mér mun samt ekki líða vel fyrr en eftir QPR leikinn," sagði Mancini að lokum.