Toure: Mancini bað mig um að stíga upp

Yaya Toure, leikmaður Manchester City skoraði bæði mörk liðsins í frábærum 0-2 sigri á Newcastle í dag. Toure sagði þó titillinn væri ekki í höfn og að liðið væri bara að hugsa um einn leik í einu.

„Þetta er ekki búið. Við eigum einn mjög erfiðan leik eftir gegn liði sem er að berjast fyrir lífi sínu í deildinni. Við þurfum að halda áfram og hafa trú á því sem við erum að gera," sagði Toure

„Þetta var virkilega góður sigur í dag. Mancini bað mig um að stíga upp þar sem þetta var mikilvægur leikur fyrir okkur. Newcastle er með frábært lið þannig að þetta var frábær sigur hjá okkur," bætti Toure við.