Abramovich vill halda Di Matteo hjá Chelsea

Fram kemur í enskum fjölmiðlum í dag að forráðamenn Chelsea ætli sér að ráða Roberto Di Matteo sem knattspyrnustjóra liðsins í næstu viku.

Roman Abramovich, eigandi Chelsea, hefur greinilega fulla trú á Di Matteo og ætlar sér að gera allt til þess að festa hann í starfi hjá félaginu.

Di Matteo náði mögnuðum árangri með Chelsea en hann gerði liðið að bikarmeisturum auk þessa sem félagið bar sigur úr býtum í Meistaradeild Evrópu, en stjórinn tók við liðinu á miðju tímabili eftir að Andre Villas-Boas var rekinn frá klúbbnum.