Laudrup tekur við Swansea í vikunni

Enskir fjölmiðlar fullyrða að Daninn Michael Laudrup muni taka við Swansea í vikunni ef viðræður ganga vel.

Samkvæmt frétt Sky Sports munu forráðamenn Swansea ákveðið að hefja formlegar viðræður við Laudrup sem var fyrst orðaður við starfið í síðustu viku.

Swansea hafði einnig áhuga á að fá Graeme Jones, sem starfar nú sem aðstoðarlandsliðsþjálfari Wales, en viðræður munu hafa ekki borið árangur.

Aðrir sem voru orðaðir við starfið voru til að mynda Ian Holloway hjá Blackpool og Gus Poyet hjá Brighton. Þá fullyrti Marcel Desailly, fyrrum leikmaður Chelsea, að hann hafi hafnað boði um viðræður við Swnasea.

Laudrup er 47 ára gamall og einn allra besti knattspyrnumaður Dana frá upphafi. Hann hefur áður stýrt spænsku liðunum Getafe og Mallorca en lék til að mynda með Real Madrid og Barcelona á sínum tíma.

Sonur hans, Mads, leikur nú sem lánsmaður hjá Stjörnunni í Pepsi-deild karla.